தெய்வீகப் பிறவிகளே: “தெய்வப் பிறவியல்லோ திசைவென்ற சான்றோர்கள்” என்று நம்மை பார்த்துப் பகவான் சொல்லுவார். அப்படியிருக்க நாம் எவ்வளவு கருத்தோடு இருக்க வேண்டும். ஆனால் சமீபத்தில் நமது அய்யா வைகுண்ட பரம்பொருளின் தவப்பதியான சுவாமிதோப்பில் நமது அயயாவழிபாட்டு மரபை மீறி தலையில் தலைப்பாக இல்லாமலும், நெற்றியில் திருநாமம் இல்லாமலும் பதிக்குள் சென்ற செய்தி அறிந்து நாம் எல்லோரும் கண்ணீர் விட்டோம்.

இச் செயலை நமது தர்மயுக முரசு வன்மையாகக் கண்டனத்தைப் பதிவு செய்கிறது. மேலும் இது போன்ற ஆகம விதிமுறை மீறல்கள் நடக்காமல் பார்த்துக் கொள்ள இந்து அறநிலையத் துறையிடம் விண்ணப்பிக்கிறது. மேலும் இது போன்ற நிகழ்வு எங்கும் செய்யாமல் இருக்க நாம் எல்லோரும் சேர்ந்து ஆண்டவனைப் பிராத்தித்து வேண்டுவோம்.

இதுபோன்ற ஆகம விதிமுறை மீறல்களின் காரணத்தை ஆராய்ந்தால் ஆன்மிகம் அரசியலிடம் மண்டிட்டு கிடக்கிறது. காரணம் ஆன்மிக வாதிகள் தன்நிலை மறந்து சுயநலவாதிகளாக மாறி போலி ஆன்மீக வாதிகளாக வலம் வருவதே ஆகும்.

மேலும் இதுபோன்ற ஆகம விதிமுறைக்கு இரண்டு சாரார்களும் காரணம். ஒரு பதிக்கு நாம் செல்லும் போது அப்பதியின் விதிமுறைகளைக் கேட்டுத் தெரிந்து அதன்படி உள்ளே செல்ல வேண்டும். அதுபோல் ஒருவர் நம் பதிக்கு வந்தாலோ அல்லது நாம் அழைப்பு விடுத்தாலோ நமது மரபுகளை அவர்களிடம் சொல்லி அதற்கு உட்படுத்தி அழைக்க வேண்டும். மரபுகளுக்கு உட்படாமல் இருந்தால் அன்பாக சொல்லி விலகிக் கொள்ள வேண்டும் இது நமது கடமை.

யார் ஒருவர் ஆகம விதிமுறைகளை மதிக்க வில்லையோ அவர்களிடம் இறை பயம் இல்லை என்றே பொருள். அவர்கள் கலிமயக்கத்தில் இருப்பவர்கள். எனவே நாம் எப்போதும் பயபக்தியுடன் செயல்பட வேண்டும்.

மேலும் இதுபோன்ற தவறான சம்பவங்களை எல்லாம் நாம் ஒரு பாடமாக எடுத்து இத் தவறுகளை நாம் செய்யாமல் பார்த்துக் கொள்ள வேண்டும். ஒருபோதும் போலி ஆன்மிக வாதிகளாக மாறிவிடக் கூடாது. நாம் பிறந்திருப்பதே பாவக் கர்மாவை தொலைத்து ஆண்டவனிடம் சேர்ந்து வாழ. ஆனால் பலபேர் இவ் பேருண்மையை மறந்து சிற்றின்பத்தில் அடிமையாகி மீண்டும் மீண்டும் பாவக் கர்மாவை பெருக்கிக் கொள்கிறார்கள். இதனால் அவர்களுக்குக் கிடைப்பது துன்பமே தவிர இன்பம் அல்ல என்பதைப் புரிந்து கொள்ள வேண்டும்.

சில துன்பத்தில் சில நன்மையும் விழையும். அந்த அடிப்படையிலே அய்யா வைகுண்ட தவப்பதியில் சமீபத்தில் அரங்கேறிய “மரபு மீறல் நிகழ்வு” ஒன்று நமது அய்யாவழிபாட்டு இந்து மக்கள் மத்தியில் பெரும் கொந்தளிப்பை ஏற்படுத்தியது. இந்தத் தவறான செயலுக்கு எதிர்ப்புக் குரல் ஒலித்தன. இது தொலைக்காட்சி மூலம் உலகமெங்கும் பரவியது.

அதுமட்டுமல்லாமல் இது மிகப்பெரிய விவாத பொருள் ஆ+னது. இந்த விவாதத்தின் மூலம் இனி யாரும் ஆலய மரபை மீறக் கூடாது என்று முழங்கிய நமது மக்கள், நாமும் நமது தாங்கல்களில் எந்த ஒரு மரபு மீறல்களையும் செய்யக் கூடாது என்று தங்கள் மனத்தில் உறுதி எடுத்துக் கொண்டது ஒரு வகையில் ஆறுதலாக இருந்தது.

“சொல்லுங்கப்பா அன்பர்களுக்குத் துணையாக நின்றுடுங்கோ”

அய்யா உண்டு

1. ஏழுயுகச் செய்திகளையும் எடுத்துக்கூறிய முனிவர் யார்?

2. தெச்சணா பூமி மக்கள் என்ன சொல்லி இறைவனைத் துதித்தனர்?

3. பூமணக் குழலாள் என்று அகிலம் யாரை சொல்கிறது?

4. நாரணரும் வேதாவும் நாடிப் பெரும் போரில் காரணரே நீரும் கனல்கம்பமாக நின்றது யார்?

5. நாராயணரின் கலியுக அவதாரம் நடந்த இடம் எது?

அதன் பிறகு இதைக் கட்டக்கூடிய கயிறாக வேதத்தைக் கயிறாக்கி தகவமைத்துக் கொள்ளுகின்றார். அதன் பிறகு காற்றினை ஒரு படகாக அமைத்துக் கொள்ளுகின்றார். இப்போது இரையும் தூண்டலும் படகும் தயாராகிவிட்டது. இனி வருணனை அழைத்து இந்தத் தூண்டிலுக்கான மிதவையாக இருக்கும்படி தகவமைத்து வைத்துக் கொள்ளுகின்றார். இனி இந்த அமைப்பில் குண்டமசாலியை அகப்படுத்த வேண்டும் என்பதற்காக உலகைச் சுற்றிக் கடலைச் சூழும்படி செய்கின்றார்.

     இப்போது உலகம் கடலால்க் சூழப்பட்டுவிட்டது. அந்தக் கடலின் நீரோட்டத்தைக் குண்டோமாசாலியின் சதுரயுகத்தில் பாய்ச்சுகின்றார். அந்த நீரோட்டத்தில் ஏற்கனவே உண்டு பண்ணி இருக்கக் கூடிய படகிலே நாராயணர் மகாமாக ஏறி வருகின்றார். மூவாதிமூவர் எனப்படுகின்ற தேவ சங்கத்தார் அந்தப் படகினைத் தள்ளி வருகின்றார்கள். இப்போது நாராயணர் அந்த ஓடையிலே தூண்டிலை இடுகின்றார்.

அன்புக்கொடி சொந்தங்கள் அனைவருக்கும் அன்பு வணக்கம்: அன்பானவர்களே: தாங்கள் சார்ந்துள்ள தாங்கல் வரலாற்றை நமது தர்மயுக முரசு பத்திரிகையில் வெளியிட வேண்டும் என்றால் உங்கள் தாங்கலின் வரலாற்றை அழகாக எழுதி 0096893145654 என்ற வாட்சப் எண்ணிற்கு தாங்கலின் புகைப்படத்தோடு சேர்த்து அனுப்பி தாருங்கள். அதனை வருகின்ற மாதங்களில் நமது தர்மயுக முரசு பத்திரிகையில் பதிவு செய்து வெளியிடலாம்.

அய்யா உண்டு

பதவுரை:
சூத்திரக் கணக்கு- இரகசியமான கணக்கு

பொழிப்புரை:
இனி இரகசியமாக ஞானிகள் சொல்லி வைத்த கணக்கை சொல்லப்போகிறேன் கவனமாக கேளுங்கள்

விளக்கவுரை:
முழு முதற் கடவுளான பகவான் ஞானிகள் வழி வழியாக பெற்று வந்த இரகசியமான உபதேசத்தை இனிக் கூறப் போகிறார். அந்த உபதேசமானது சூத்திர வடிவில் அய்யாவால் அருளப்படுகிறது. சூத்திரம் என்பது மிகவும் சுருக்கிச் சொல்லுதலாகும். அதன் ஒவ்வொரு வார்த்தையும் மிகுந்த அர்த்தம் உடையது. சிவ காண்ட அதிகாரப் பத்திரம் முழுவதும் சூத்திரமே என்பது குறிப்பிடத் தக்கது.

பதவுரை:
பஞ்சவர்ணக்கிளி- மனித உடலில் வாசம் செய்யும் ஆன்மா

பொழிப்புரை:
மனித உடலிலே ஒன்றிருந்த ஆன்மா அந்த உடலைப் போட்டுவிட்டு பறந்து போகக் கண்டேன்

விளக்க உரை:
இந்த ஆன்மா உடலோடு இயங்குகிறது. உடலானது பஞ்ச பூதங்களால் ஆனது. பஞ்ச பூதங்களுக்கும் தனித்தனியே ஐந்து நிறங்கள் உண்டு என்று யோக நூல்கள் கூறுகின்றன. அவையாவன
நிலம்- மஞ்சள்
நீர்- வெண்மை
வாயு – பச்சை
தீ – செம்மை
ஆகாயம்- கருமை.

இந்த ஐந்து நிறங்களைக் கொண்ட பூதங்களால் ஆன உடலை ஆன்மா சுமந்திருப்பதால் ஆன்மா பஞ்சவர்ணக் கிளி என்று அழைக்கப்படுகிறது. இந்த பஞ்சவர்ணக் கிளி கொஞ்ச நாள் தனது கூடாகிய உடலில் வசித்து அதை விட்டுப் பறக்கிறது‌. கிளி வாழ்ந்த கூடாகிய உடல் அழிகிறது. எனவே ஏரணியும் மாயோன் இவ்வுடலை விட்டு உயிர் பறப்பது முக்காலத்துக்கும் உண்மை என்பதை உணர்த்தும் விதமாக பறக்கக் கண்டேன் என்றார். அதாவது இவ்வுடல் நிரந்தரமானது அல்ல என்றேனும் உயிர் பிரியும் என்பதை ஓங்கி உலகளந்த உத்தமனான பகவான் உணர்த்துகிறார். அப்படியெனில் இந்த குறுகிய காலத்தில் நாம் அறிய வேண்டியது என்ன? செய்ய வேண்டியது என்ன? என்று வினவ அடுத்த சூத்திரங்களில் பகவான் நாம் அறிய வேண்டியவை மற்றும் செய்யவேண்டியவற்றை அருளுகிறார்.

பதவுரை:
ஏழுபெண்கள்- சப்த மாதர்களாகிய தாய்மார்கள்.

பொழிப்புரை:
சப்த கன்னிகளின் கதையை எடுத்துச் சொல்லும் காலம் வந்து விட்டது.

விளக்கவுரை:
மனிதனின் ஆயுட்காலம் மிகவும் குறைவு என்பதை கூறிய‌ பகவான் அவன் அறிய‌ வேண்டிய‌ உண்மையில் முதலாவதும் முக்கிய‌ மானதுமான தத்துவத்தை விளக்குகிறார். அதாவது சீவாத்மா , பரமாத்மா உறவு என்பது தந்தை மகன் உறவு போன்றது. நாம் அனைவரும் நாராயணரின் விந்திலும் நற்கன்னிகள் ஏழு பேரின் நாதத்திலும்‌ பிறந்தவர்கள். ஆகவே, நாம் பகவான் அனந்த நாராயணனின் மக்கள் என்பதை அறியவேண்டும். அதாவது, நாம் இறைவனில் இருந்து வெளிப்பட்ட சிறு துளிகள். எப்படி ஒரு கடலில் இருந்து உண்டான மழை கடலை அடைந்து கடலாகிறதோ அதைப்போல் நம்முடைய பயணமும் நாராயணரில் கலந்து முக்தி அடைய வேண்டும் என்பது கருத்து. அதாவது நாம் அனைவரும் சாதாரண‌மானவர்கள் அல்ல பகவான் விஷ்ணுவின் பிம்பங்கள் என்பது கருத்து. நமக்குள் இருப்பது அவர், அவரின் சக்தி என்பது ஏழு பெண்கள் கதை சொல்லும் கருத்து.

அய்யா உண்டு

அன்பானவர்களே: அகிலத்திரட்டு அம்மானை உதயதின விழா செய்தியை நமது அமைப்பு சார்பில் பத்திரிகை வாயிலாக உலகறிய செய்ய பாக்கியம் தந்த அய்யா வைகுண்ட பரம்பொருளுக்கு நன்றி. மேலும் இச் சிறப்பான செயல்பாட்டிற்கு பல விதங்களில் கருவியாக செயல்பட்ட நம் அனைவருக்கும் நன்றி. இதுபோன்று அய்யா சொன்ன யுகதர்மத்தை செய்ய மேலும் மேலும் எங்களுக்கு பாக்கியம் தர வேண்டும் என அய்யாவிடம் வேண்டுவோம்.

அய்யா உண்டு.

தர்மயுகத்தில் வாழும் எல்லோரும் தேவர்களைப் போல் வாழ்வார்கள். நவகிரகங்கள் கிடையாது. எமன், காலன், தூதன் கிடையாது. துன்பமில்லை, துயரம் இல்லை, கண்ணீரில்லை, கவலையில்லை. ஆனந்தம் பேரானந்தம் என்ற நிலை மட்டுமே உண்டு. பிணி, மூப்பு, சாக்காடு என்கிற நிலையில்லாமல் நித்திய ஜீவ தேகத்தோடு, கோடான கோடி காலத்திற்கும், என்றும் வயது பதினாறாக, இளமைப் பொலிவோடு, இறைவனுக்கு உகந்த பிள்ளைகளாக வாழ்த்தலாகும். தர்மயுகம் அன்பு மயமான, இன்பமயமான, சொர்க்கமயமான, பூலோக கைலாயமாக, ஜொலிக்கும்.

அய்யா உண்டு

1. வியாசர்

2. சிவசிவா

3. பகவதி அம்மை

4. ஈசன்

5. திருச்செந்தூர் திருப்பாற் கடல்

அய்யா உண்டு

ஆம், பொய்மையைப் பின்பற்றுவதால் உடனடி லாபம், வெற்றி போன்றவை கிடைக்கின்றன. ஆனால் அந்த லாபம் உண்மையான லாபம் அல்ல. அந்த நேரத்தில் மட்டும் கிடைக்கக் கூடிய பொய்யான இன்பத்தின் தோற்றம். பொய்மையால் வரும் நஷ்டம் அப்பொழுது தெரிவதில்லை. பொய்மையால் வரும் லாபம் மிகவும் அற்பமானது. அற்ப லாபத்திற்காக சத்தியத்தை விடுவதால் வரும் நஷ்டமே உண்மையில் பேரிழப்பு.

சத்தியத்தைப் பின்பற்றுவதால் சில இழப்புகள் நேரிடலாம். சத்தியத்தை பின்பற்றுவதால் வரும் நன்மையைக் கணக்கிட்டுப் பார்த்தால் இந்த இழப்பை இழப்பு என்று சொல்ல முடியாது. எப்படி என உதாரணம் ஒன்றின் மூலம் பார்ப்போம். ஒருவர் பொருளாதாரரீதியாக நடுத்தரத்தில் இருக்கிறார். அவரால் சிறிதளவுதான் சேமிக்க முடிகிறது. அவர் மனதில் எதிர்காலத்தைக் குறித்து பாதுகாப்பின்மை, பயம் போன்ற உணர்வுகள் ஏற்படுகின்றன. பணம் இருந்தால்தான் நமக்குப் பாதுகாப்பு, மகிழ்ச்சியும் பயமின்மையும் பணத்தைச் சேகரித்தால்தான் கிடைக்கும் என்பது அவர் எண்ணம். அவர் மட்டுமல்ல, பொதுவாகப் பலர் இவ்விதமே எண்ணுகிறார்கள்.

ஒரு கடையில் இரண்டு கழுதைகள் இருக்கும் படம் மாட்டப்பட்டிருந்தது. அந்தப் படத்திற்குப் பூமாலை, ஊதுபத்தி போன்ற அலங்காரங்களும் இருந்தன, கழுதையின் படத்தைக் கடையில் மாட்டினால் பணம் அதிகமாகக் குவியும் என்று ஒரு நம்பிக்கை, ஆகவே, பணத்திற்காக கழுதையையும் வழிபடத் தயாராக உள்ளனர். பணத்திற்குச் சமுதாயத்தில் உள்ள மதிப்பின் காரணமாகத்தான் பணம் பலருக்கு முக்கிய இலக்காக அமைந்துள்ளது.

இங்கு நாம் உதாரணமாக எடுத்துக் கொண்ட நபருக்கும் பணமே முன் நின்றது. அவருக்குச் சத்தியத்தை விடுவதால் பணம் அதிகம் கிடைக்கின்ற சூழ்நிலை ஏற்பட்டது. அவர் எடைபோட்டுப் பார்த்தார் -சத்தியமா? பணமா? பணத்தால் வீடு, வாகனம், சமுதாயத்தில் புதிய மதிப்பு போன்ற லாபத்தை அடைய முடிவதை எண்ணினார். பணம் பாதுகாப்பையும் இன்பத்தையும் கொடுக்கிறது என்று கணக்கிட்டார். சத்தியத்தால் கிடைக்கும் நன்மை அவர் புத்திக்கு எட்டவில்லை. ஆகவே அவர் சத்தியத்தை விட்டுப் பணத்தைச் சேகரித்துக் கொண்டார். சத்தியத்தைப் விடுத்துப் பொய்மையைப் பற்றியதனால் பெரிய செல்வந்தர் ஆகிவிட்டார். அவரைச் சுற்றி பாதுகாப்பிற்குப் பொருள்களும் மனிதர்களும் குவிந்தனர். இன்பத்தைக் கொடுக்கும் பொருள்களும் அவரைச் சூழ்ந்தன. சமுதாயத்தில் முன்னேறியவர், பெரிய மனிதர் போன்ற பட்டங்களும் அவருக்குக் கிடைத்தன. இதை மட்டும் பார்த்தால் சத்தியம் வென்றதாக நமக்குத் தெரிவதில்லை. அவருடைய மனதை இனி நாம் பார்ப்போம்.

சத்தியத்தைத் தியாகம் செய்ய அவர் துணிந்ததற்கு முக்கிய காரணம் மனதிலுள்ள பாதுகாப்பின்மை, பயம் போன்றவை நீங்க வேண்டும் என்பதே. ஆனால் பணத்தை அடைந்த பின்னும் பயம் மனதிலிருந்து நீங்கவில்லை. இப்பொழுது பணம் நம்மை விட்டு சென்றுவிடக் கூடாது என்ற பயம். வருமானவரி அதிகாரிகளிடம் பயம். வசதியான வாழ்வை அனுபவித்ததனால் உடலும் மனதும் வசதிகளுக்கு அடிமையாகிவிட்டதால் வசதிகள் பறிபோகக் கூடாது என்ற பயம். தான் கூறிய பொய்கள் வெளிப்பட்டு விட்டால் புகழ் இழக்கப்படும் என்ற பயம்.

பணம் தன்னைக் காக்கும் என எண்ணிய அவருக்கு இப்பொழுது புரிகிறது – அவர்தான் பணத்தைக் காப்பாற்ற வேண்டும் என்று. எந்த பயம் மனதிலிருந்து நீங்க சத்தியத்தை விட்டாரோ அந்த பயம் அவரை விட்டு நீங்கவில்லை. முன்பு பணம் இல்லை என்ற பயம். இப்பொழுது பணம் சென்றுவிடக்கூடாது என்ற பயம். முன்பு நிம்மதியாக உறங்கினார். இப்பொழுது உறங்க மாத்திரை தேவைப்படுகிறது. அவரைச் சுற்றி பாதுகாப்பிற்காகப் பல கதவுகள் உருவாக்கி இருந்தும் புதிய விதமான பயம் அவருடைய மனதிற்குள் புகுந்து விட்டது. சத்தியம் என்ற கதவுதான் மனதிற்குள் பயம் புகுந்து விடாமல் பாதுகாக்கும். சத்தியத்தை விட்டதால் பெற்ற வெற்றியே பொருள்களின் சேர்க்கை. ஆனால் எதற்காகப் பொருளைச் சேர்த்தாரோ, அதை அப்பொருள் உண்மையில் தரவில்லை. அவர் பொய் கூறி சேர்த்த பொருள்களை மட்டும் பார்த்துவிட்டு, சத்தியம் தோற்றது என்று நாம் நினைக்கலாம். ஆனால், அவருடைய மனதைப் பார்த்தால் சத்தியமே வென்றது என்பது புரியும். இந்த உண்மையை இன்னமும் தெளிவாகப் புரிந்துகொள்ள வேண்டும். எனவே வேறு ஒரு உதாரணத்தையும் பார்க்கலாம்.

ஒரு மனிதர் சத்தியத்தைப் பின்பற்றுவதால் கிடைக்கும் வருமானத்தை மட்டுமே வைத்து வாழ்க்கையை நடத்தி வருகிறார். இவரைச் சுற்றி அதிகமாகப் பொருள்கள் சேரவில்லை. ஆனால் சத்தியத்தையே வாழ்வாகக் கொண்டுள்ளார். சத்தியத்தை பின்பற்றியதன் பலனாக மனதில் நிறைவையும், அளவிடமுடியாத தைரியத்தையும் அடைகிறார். பாதுகாப்பின்மை, பயம், போன்றவை நீங்கிய மனதை அடைகிறார். போதும் என்ற நிறைவை அடைகிறார். இவருக்கு வாய்மை வெளிப்பொருள்களைக் கூட்டவில்லை. ஆனால், அதே நேரத்தில் மனதில் உறுதியையும் பயமின்மையையும் நிறைவையும் கூட்டியது. இந்த இருவரில் உண்மையில் வெற்றி பெற்றவர் யார்? சத்தியத்தைப் பின்பற்றியவரே வெற்றி பெற்றவர். ஆகவே சத்தியத்தைப் பின்பற்றினால் மனதிற்குத் தைரியம் வரும். மனதிலுள்ள பயம் நீங்கும். மனதில் நிறைவு ஏற்படும்.

வெறும் பொருள்களை மட்டுமே சேகரித்து வைப்பவரைக் கண்டு பொறாமைப்படும் குணம் நீங்கும். நம்மையே நாம் பெருமிதமாகப் பார்க்கும் உணர்வும் நம்மையே நாம் ஏற்றுக்கொள்ளும் பக்குவமும் ஏற்படும். இதுபோன்ற பலனைக் கொடுக்கும் சத்தியத்தை விடுவதால் கிடைக்கும் லாபம் இரு கண்களை விற்று தொலைக்காட்சிப் பெட்டி வாங்குவது போன்றதாகும். சத்தியத்தைப் பின்பற்றுவதால் சில நஷ்டங்கள் அவ்வப்போது வரலாம். ஆனால் லாபத்தைக் கணக்கிட்டுப் பார்த்தால் அடைந்த நஷ்டத்தை நஷ்டம் எனக் கூற முடியாது. முதலீடு என்றே
கூறவேண்டும்.

வாழ்வில் எதையும் இலவசமாகப் பெறமுடியாது. தவத்தால் தான் எதையும் அடைய முடியும். சத்தியத்தைப் பின்பற்றுவதனால் வரும் நஷ்டங்களையும் கஷ்டங்களையும் தவம் என்று நாம் எடுத்துக் கொண்டால் சத்தியமே எப்போதும் வெற்றி அடைகிறது. சத்தியத்தைப் பின்பற்றியதால் ஹரிச்சந்திரனுக்கு ஆரம்பத்தில் பல இன்னல்கள் வந்தன. இறுதியில் பெரும் நன்மை ஏற்பட்டது. ஒரு கோணத்தில் சத்தியம் முதலில் தோற்றது. இறுதியில் வென்றது எனலாம். சற்று ஆழ்ந்து நோக்கினால் இறுதியில் அடையும் பெரும் நன்மைக்கு, முதலில் வந்த இன்னல்கள் தவமாகின்றன. அப்படியென்றால் சத்தியம் எப்பொழுதுமே தோற்பதில்லை. ஒரு கோணத்தில் தோற்றது என ஆரம்பத்தில் எண்ணினாலும், உண்மையில் சத்தியத்துக்குத் தோல்வி என்ற அனுபவமே இல்லை.

எந்த ஒரு முக்கியமான பலனை அடையவேண்டும் என்று சத்தியத்தை விடுகிறோமோ, அந்தப் பலனை சத்தியத்தை விடுவதால் அடைய முடியாது. சத்தியத்தைப் பின்பற்றுவதால்தான் உண்மையில் நாம் விரும்பும் பலனை அடைய முடியும். பொய்மை எப்படிப்பட்ட பலசாலியையும் கோழையாக்கிவிடும். பொய்மையால் பொருள்களைக் குவிக்கலாம். ஆனால் அதை அனுபவிக்கும் மனதை இழந்து விடுவோம். மனதிலுள்ள பொறாமை பயம் போன்ற அசுத்தங்கள் பொய்மையால் வளர்கிறது. சத்தியம் என்ற தர்மத்தால் மனம் பண்படுகிறது. நம் மனம் நமக்கு நண்பனாக மாறுகிறது.

இன்னும் இரண்டு மாதத்தில் டயாலிசிஸ் பண்ண வேண்டும். ஆறு மாதத்தில் கிட்னி மாற்று அறுவை செய்ய வேண்டும் என மருத்துவர்கள் சொன்னதால் கையறு நிலைக்குத் தள்ளப்பட்ட நிலையில் “எனது மூன்று வயது மகனைப் பார்க்கும் போது தான் அய்யா மிகவும் கவலையாக இருக்கிறது, அவனைத் தனியாக விட்டு விடுவேனோ என்று” என அவர் சொன்னபோது எனது கண்கள் கலங்கியது.

என்னால் முடிந்த அளவு ஆறுதல் வார்த்தைகள் சொன்னேன். அடுத்த வாரத்தில் ஊருக்கு வந்தவர் நமது கரும்பனூர் அய்யா நாராயணர் அரசாளும் பதி வாகன சிற்பக் கூடம் பதிக்கு வந்தார். “உயிரைக் காத்துத் தருகிறேன், உன்னுள் நான் குடி இருக்கிறேன், நீ என்னுடைய பிள்ளை, உன்னைப் பரிதவிக்க விட மாட்டேன், உனக்கு நோயும் இல்லை நொம்பலமும் இல்லை “என அய்யா வாக்குரைத்தார்.

வருடங்கள் மூன்று ஆகி விட்டது. மருத்துவர்களால் கைவிடப்பட்டவர் இன்று அய்யாவால் தலைநிமிர்ந்து நிற்கிறார். அய்யாவின் பிள்ளையாக. உயர்ந்த குல சான்றோராக.

கடனில் தத்தளிக்கும் போது கூட அய்யாவின் மேலுள்ள பற்றால் அவ்வப்போது அய்யாவுக்கு விளக்கு எண்ணெய் காசு என்று எனக்கு அனுப்பி விடுவார். நானும் அடுத்த நாளே அய்யாவுக்கு விளக்கு நேமிக்க தேங்காய் எண்ணெய் வாங்கிப் பதியில் வைத்து விடுவேன்.

நேற்று அவர் அனுப்பி வைத்த விளக்கு எண்ணெய் காசில் இன்று அய்யாவுக்கு விளக்கு நியமிக்க வாங்கிய தேங்காய் எண்ணெய் ஐந்து லிட்டர்.

அன்பான மக்களே அற்புதங்களாலும் அதிசயங்களாலும் நிறைந்ததே அய்யாவழி. அய்யாவை மட்டுமே நம்புங்கள். மனிதர்களை அல்ல.

“இன்னார் வந்து விட்டார். இவ்வளவு கொடுத்தால் தான் மதிப்பார்” என மனிதனை சந்தோஷப்படுத்த கட்டு கட்டாக கொடுப்பதை விட, இன்றும் ஒரு வேளை விளக்கு நியமிக்க ஊர் ஊராக பிச்சை எடுக்கும் பண்டாரங்கள் எவ்வளவோ பேர் உள்ளனர். நலிவடைந்த பதிகளுக்கு உங்களால் முடிந்த அளவுக்கு விளக்கு எண்ணெய் வாங்கிக் கொடுங்கள்.

உங்கள் அருகாமையில் உள்ள பதியில் விளக்கெரிய காரணமாய் இருங்கள். உங்கள் வம்சத்தையே தழைக்க வைப்பார் அய்யா.

மாறாக பகட்டுக்காக “கட்டு கட்டாக ” கொடுத்தால் அது “வீணுக்குத் தேடும் முதல் விருதாவில் போட்ட கதை தான்”.

அய்யா உண்டு

இராவணன் ஆதியான சிவபெருமானை வணங்கி, புகழ்ந்து அவரிடம் இருந்து மூன்றரை கோடி வரங்களையும் பெற்று, உயர்வான அம்மை சீதாபிராட்டியால் உயிருக்கு ஆபத்து என்கிற நிலையும் பெற்று, வாங்கியதில் மூணுகோடி வரங்களைத் தோற்ற பின்னும் மூர்க்கனான இராவணன் மூன்று லோகம் முழுவதையும் அடக்கி ஆண்டான்.

அய்யா உண்டு

அப்படிப்பட்ட தீய எண்ணங்கள் மனதில் வருகின்றபோது அது மனத்தில் அழுக்கை உருவாக்கி நல்ல எண்ணங்களைச் சிந்திக்கவிடாமல் செய்து விடும்.பலர் வெளிப்படையாக நல்லவர்கள் போலும் உள்ளுக்குள் மிகுந்த பகை உணர்வு கொண்டவர்களாக இருப்பர் அப்படிப்பட்ட தீய எண்ணத்தினால் தனக்குத்தானே துன்பத்தை ஏற்படுத்திக்கொண்டு அழிந்துபோவார்கள். ஆகவே எப்படிப்பட்ட தீய குணமுடைய வரிடமும் நாம் சண்டைக்குப் போகவேண்டிய அவசியமில்லை.

பகை உணர்வு கொண்டவர்கள் தன்னால் அழிந்து போவார்கள். மனத்தில் தோன்றிய பகை உணர்வானது எப்போதும் அந்த எண்ணத்தையே நினைத்துக் கொண்டு வேறு எதைப்பற்றியும் எண்ணாமல் இருந்துகொண்டிருக்கும்.

அப்படி இருக்கின்ற போது அவருடைய அந்த மனமானது அரத்தால் தேய்க்கப்பட்ட இரும்புத் தேய்ந்துப் போவது போல அந்த மனமானது வலிமை குறைந்து தன்நிலையை இழந்து விடும். இழந்துவிட்ட அந்த மனதில் நல்ல எண்ணங்கள் தோன்றாது.

ஒருவருடைய மனதில் சிறிதளவு பகை உணர்வு என்ற கெட்ட எண்ணம் இருந்தால் கூட அவருடைய அந்த மனமானது அங்குக் கெட்டு அந்தக் குடும்பத்தையே அழித்து விடுகின்றது .அப்படி சிதைந்து விட்ட அந்தக் குடும்பமானது, எப்படி ஒரு சுடப் படாதப் பானையில் உலை வைத்தால்
அது அழிந்து போகுமோ அதைப் போலக் கொஞ்சம் கொஞ்சமாக அழிந்து போகிறது.

அறிவு, ஆற்றல், அடக்கம் உடையவரிடத்து பகை உணர்வு கொள்ளக்கூடாது. எப்போதும் நன்றி பெருக்கோடு வாழ வேண்டும். ஏனென்றால் நாம் இவர்களோடுப் பகையுணர்வு கொள்ளுகின்ற போது நாம் அறிவு, ஆற்றல், அடக்கம் எல்லாவற்றையும் இழந்து கீழ் நிலைக்குத் தள்ளப்படுகிறோம்.

அய்யா தன்னுடைய பிள்ளைகள் எப்போதும் சான்றோர்களாக இருக்க வேண்டும் என்று எண்ணினார். அதற்காகத்தான் நாம் எப்போதும் உயர்ந்த நிலையில் இருக்க வேண்டும் என்பதற்காக நம்மிடம் இப்படிப்பட்டக் கீழான எண்ணங்கள் இருக்கக் கூடாது பகையுணர்வு மனதில் வந்துவிடக்கூடாது. எப்படிபட்டக் குணம் உடையவரிடமும் பகைக் கொள்ளக் கூடாது என்கிறார்.

பொறாமை கொள்ளுதல், கோள்மூட்டி குடும்பத்தைப் பிரித்தல் போன்ற தீயக் குணம் உடையவராக இருந்தாலும் தனக்கென்று ஒரு பகைவன் வரவேண்டிய அவசியமில்லை. ஒருவரிடம் இருக்கின்ற தீய எண்ணங்களே பகையாக மாறி அவனை அழித்து விடுகிறது.எனவே இப்படிப்பட்டத் தீய குணமுடையவர் இடமும் நாம் மோதிப் பகைக்க வேண்டும் என்று எண்ணம் வேண்டாம். அந்தப் பகை உணர்வு உடையவர்கள் தன்னால் அழிந்து போவார்கள்.

ஏனென்றால் நற்பண்புகளைத் தனக்குக் கொள்கையாகக் கொண்டவர்கள் சீறினால், அரசன் கூட எத்தகைய படைபலம் இருந்தாலும் பலன் இல்லாமல் போய் விடுவான். அய்யா கூறுவார், “கற்புடைய சாணத்தி கதறி அழுது சாபமிட்டால் பொற்புடையக் கோட்டை பொடிந்துவிடும் தன்னாலே” என்று எனவே அய்யாவின் பிள்ளைகள் நல்ல எண்ணம் உடையவர்களாக இருந்து நம்மை அழிக்க வேண்டும் என்ற எண்ணம் கொண்டவர்களிடமும் நாம் நல்லச் செயல்களைச் செய்து அவர்களுக்கு அறிவுப் புகட்டி நற்சிந்தனை ஏற்பட வழி செய்வோம்.

அய்யா உண்டு

தர்மயுக முரசு வாசகர்களுக்கு அன்பான வேண்டுகோள்

நமது அகில உலக அய்யாவழி சேவை அமைப்பு (IASF)
நடத்தும் கூகுள் மீட் அகிலத்திரட்டு அறப்பாட சாலை எல்லா சனிக்கிழமையும் இரவு 8 மணி முதல் 9 மணி வரை நடைபெறுகிறது

எனவே அப் அறப்பாடசாலையில் கலந்து கொள்ள எல்லா சனிக்கிழமையும் கீழ் கண்ட லிங்கை கிளிக் செய்து இணைந்து பயன் பெறுங்கள் https://meet.google.com/btd-zzjs-uph

இந்த வகுப்பில் திருஏடு வாசிப்பு, பாராயணம், ஆன்மிக கதை, அய்யா பாடல், அய்யாவின் உபதேசங்கள் போன்றவை அன்பர்களால் சிறப்பாக வழங்கப்படுறது.

அன்புக்கொடி சொந்தங்கள் இந்த ஆன்மிக வகுப்பில் கலந்து பயனடைய அன்போடு வேண்டுகிறோம்.

அய்யா உண்டு

சுவாதி திருநாள் மன்னனுக்கும் முன் ஆண்ட ராணி லட்சுமி பாய் அதற்கும் முன் ஆண்ட திருவிதாங்கூர் மன்னர்களின் உருவப் படங்களை திருவனந்தபுரம் அரண்மனையில் இப்போதும் காணலாம்.

கேமரா கண்டுபிடிக்கப்பட்டது 1825 ஆம் வருடம். அய்யா அவதரித்தது 1833 ஆம் வருடம். அதாவது முழுமையான கேமரா கண்டுபிடிக்கப்பட்டு பயன்பாட்டுக்கு வந்த 8 ஆண்டுகளுக்குப் பின் தான் அய்யாவின் அவதாரம் நிகழ்ந்தது.

அய்யாவின் அவதார காலத்தில் இருந்த மன்னர்களின் உருவப்படமும், அய்யாவின் வருகைக்கு முன் இருந்த மன்னர்கள், ஆன்மீக ஞானிகள், சமூகச் சீர்திருத்தவாதிகளின் உருவப் படங்களும் இருந்த வேளையில் அய்யா வைகுண்டரின் உருவ படம் இது தானென்று எங்கும் கிடைத்ததில்லை.

இது தான் அய்யாவின் அவதார சூட்சுமம். முழுக்க முழுக்க உருவ வழிபாட்டையும், பல தெய்வ வழிபாட்டையும் தவிர்ப்பதே அய்யாவழி. ஓரிறைக் கோட்பாடே அய்யாவழி.

அய்யாவின் அவதார காலத்தில் சாமானிய மக்களின் கண்களுக்கு ஓர் உருவத்தைக் காட்டிய அய்யா வைகுண்டர் சப்த கன்னி மாதர்களுக்கு நாராயனராகத் தனது சொரூபத்தைக் காட்டுகிறார்.

பகவதி திருமணத்தின் போது பண்டாரக் கிழவனாக தனது சொரூபத்தைக் காட்டி பகவதியை வரவைத்து அய்யா இகனை மணம் புரிகிறார்.

பார்வதி திருமணத்தின் போது, அய்யா வைகுண்டரின் காலடியில் பார்வதி அன்னை, “நீர் எனக்கு அண்ணன் அல்லவா, நீர் என்னை மணம் புரிய போகிறேன் எனச் சொல்கிறீரே, கலியுகத்தில் இது என்ன சீர்க்கேடு என அழுது புலம்பும் போது அய்யா வைகுண்டர் அன்னை பார்வதிக்கு சாட்சாத் ஆதி சிவனாக காட்சிக் கொடுக்கிறார். ஆதி சிவ வடிவில் அன்னையை ஆட்கொள்கிறார்.

இப்படி வேளைக்கு வேளை பல விதக்கோலம் அணிந்த அந்த பரம்பொருளான அய்யா வைகுண்டருக்கு இது தான் அவர் உருவம் என எவரால் கொடுத்து விட இயலும்.

அய்யா மனுசொரூபம் காட்டி இருந்த வேளையில் அவரை எப்படியாவது வரைந்து விட வேண்டும் என்று முயற்சித்து அதற்கு அய்யாவிடம் அனுமதி வாங்கி நான்கு ஓவியர்கள் அய்யாவை சுற்றி நின்று வரைந்த போது, ஒருவர், ஒரு பண்டார கிழவனையும், இரண்டாம் ஓவியர், நடுத்தர வயது இளைஞனையும், மூன்றாம் ஓவியர் சாட்சாத் கிருஷ்ண பரமாத்மாவையும் நான்காம் ஓவியர் ஒரு ஒளி சொரூபத்தையும் வரைந்த வைத்து இருந்தார்களாம். இது செவி வழி செய்தி.

ஒரே நேரத்தில் நான்கு பேருக்கு நான்கு சொரூபம் காட்டிய அந்த ஏக பரம்பொருளை எந்த உருவத்தில் அடக்க முடியும்.

சிவபக்தர்கள் மற்றும் சிவனடியார் கனவில் சென்று நான் இப்போது சுவாமிதோப்பில் இருக்கிறேன் அங்கு வந்து என்னைப் பார் என்று சொல்லி அவர்களுக்குச் சிவனாக காட்சிக் கொடுத்தும், விஷ்ணு பக்தர்களின் கனவில் திருமாலாகச் சென்று காட்சி கொடுத்து அவர்களையும் சுவாமி தோப்பு வரவைத்து அருள்பாலித்தும், முருகன், பிள்ளையார் என இன்ன பிற இறை அடியார்களில் நல்ல மனுக்களைத் தேர்ந்தெடுத்து அவர்களின் கனவில் அவரவர் இஷ்ட தெய்வங்களின் வடிவில் சென்று சுவாமி தோப்புக்கு வர வைத்து அவரவர் இஷ்ட தெய்வங்களின் வடிவிலேயே காட்சிக் கொடுத்து அவர்களை ஆட்கொண்டு பிறப்பு இறப்பு இல்லா பேரின்ப முக்தி கொடுத்த அய்யா வைகுண்ட பரம்பொருளை என்ன உருவத்துக்குள் அடைக்க முடியும்.

மும்பையில் வாழ்ந்து வந்த தினமும் ஐந்து வேளை தொழுகை செய்யும் ஓர் இஸ்லாமிய பெண்ணின் கனவில் ஒளியாக தோன்றி நீ தினமும் தொழும் அல்லாஹ்வை காணவேண்டும் என்றால் தமிழ்நாட்டில் சுவாமிதோப்புக்கு வா என அழைத்து அந்தக் குடும்பம் சுவாமி தோப்பு வந்து அய்யாவை பணிந்து நற்பேறு அடைந்ததாகச் செவிவழி செய்தி உண்டு.

“முப்பொருளும் ஒரு பொருளாய் உருவெடுத்தாய் ஆனதினால், எப்பொருளைக் கண்டு இயல்பு பெற போறோம் யாம்” எனத் தேவர்கள் அய்யா வைகுண்டரைப் பார்த்து உரைப்பதாக அகில வாசகம் உண்டு.

இப்படி மும்மூர்த்தியும் ஒரு மூர்த்தியாகி வந்த ஏக பரம்பொருளை, அவரே ஏக இறைவன் எனச் சொல்ல கடமைப்பட்டவர்களே அவருக்கு ஒரு போலியான உருவம் கொடுத்து மனிதனாகச் சித்தரிக்க முயல்வது மிகவும் வேதனையான விஷயம்.

அய்யாவின் பெயரைச் சொல்லி மக்களிடம் தர்மம் பிரித்து உண்டு கொழுத்த பேர்கள், அய்யாவுக்கு அடியாராக இல்லாமல் கயவர்களிடம் விலை போனதால் இது போன்ற சிறுமை செயல்களில் ஈடுபடுவது மிகவும் கீழ்த்தரமான செயல்.

அய்யாவின் பதியான சுவாமிதோப்பு பதியைக் குறுக்கு வழியில் கைப்பற்றிய குள்ள நரிக் கூட்டத் தலைவன் இன்று மதி கெட்டு போய், “பைத்தியம் பிடித்த கிழவி நைட்டி போட்டுக்கொண்டு திரிவாளாம்” என்ற சொலவடை போல, வயோதிகத்தால் மதி இழந்து அய்யா வைகுண்டர் இவர் தான் என ஒரு படத்தை வரைந்து அதை உலகுக்குக் காட்டுவதும், அகிலத்திரட்டில் இல்லாத ஒரு பெயரான முத்துக்குட்டி என்ற பெயரைக்கொண்டு அய்யாவை சொல்லி நாங்கள் அவரின் ஆறாம் தலைமுறை வாரிசு என உளறி வருவதும் மிகக் கேவலமான செயல் மட்டுமல்ல அப்படி உளருபவர்களின் நிச்சயமாக அய்யாவின் அன்பு அடியார்களின் வயிற்றெரிச்சலில் விழுவதுடன் நிச்சயமாகக் கடுமையான இறை நிந்தனைக்கும் ஆளாவார்கள்.

நற்செய்தி: கலியுக வேதமாம் அகிலத்திரட்டு அம்மானை உதய தினத்தை முன்னிட்டு அய்யாவழிபாட்டு இந்து சமய ஆலயங்களில் சிறப்பு பணிவிடை, அன்னதர்மம், ஆகமதர்மம், கலைநிகழ்சிகள், திருஏடுவாசிப்பு, சொற்பொழிவு, ஆகம ஊர்வலம் போன்ற பல நிகழ்ச்சிகள் சிறப்பாக நடைப் பெற்றது.

மக்கள் ஒருவருக்கொருவர் வாழ்த்தினை பரிமாறிக் கொண்டனர். மேலும் வாட்ஸ் அப், பேஸ்புக் போன்ற சமூக வளைதலங்களின் மூலமும் அகிலத்திரட்டில் பகவான் வைகுண்டர் சொல்லிய வாசகங்களை பதிவிட்டு வாழ்த்துக்களை பரிமாறி மகிழ்ச்சி அடைந்தனர்.

ஆண்டவர் அருளிய அகிலத்திரட்டு அம்மானை எழுதப்பட்ட இத்திருநாளில் அனைத்து அய்யாவின் திரு நிழல் தாங்கல்களில் மக்கள் கலந்துக் கொண்டதோடு அங்கு நடைப்பெற்ற ஆகம ஊர்வலம், திருஏடுவாசிப்பு பாராயண நிகழ்ச்சியிலும் கலந்துக் கொண்டு இறைவனின் அருளைப் பெற்று சென்றனர். அடுத்த வருடம் இதைவிட பிரம்மாண்டமாக கொண்டாட ஆயத்தமாவோம்

அய்யா உண்டு

மேலும் முத்திரி கிணறு என்கின்ற உலகத்திலே உயர்வான தீர்த்தத்தை ஏற்படுத்தி சமதர்ம சாம்ராஜ்யத்தை அமைத்து, மண்ணும் தண்ணீரையும் கொடுத்து மக்களின் நோய்களைப் போக்கினார். பேய் பிசாசுகளை எரித்து, மந்திர தந்திரத்தை அழித்து மக்களைக் காத்தார். நமது ஏழு அம்மைமார்களையும் இகனை திருக்கல்யாணம் புரிந்தார். அம்மை லட்சுமியையும் திருக்கல்யாணம் புரிந்த புண்ணிய பூமியாக சுவாமித் தோப்பு இருந்து வருகிறது. அய்யாவின் பாதம்பட்ட தவப்பூமியான சுவாமித்தோப்பு மிக உயர்ந்த புண்ணிய பூமி எனபதில் யாருக்கும் மாற்றுக் கருத்து கிடையாது.

இவ்வளவு சிறப்புகள் பொருந்திய பதியாக சுவாமிதோப்பு பதி இருப்பதால் அதனை தலைமை பதி என்று அழைப்பதில் என்ன தவறு இருக்க முடியும் என்று நமக்குத் தோன்றலாம். ஆனால் அதற்கான விடையை நமது முன்னோர்கள் எவ்வாறு ஆலயங்களை அழைத்தார்கள் என்பதிலிருந்து அறிந்து கொள்ளலாம். ஆம்!, நமது பாரத மண்ணில் எவ்வளவு சிறப்பு வாய்ந்த ஆலயமாக இருந்தாலும் அதனை “தலைமை ஆலயம்” என்றோ அல்லது “தலைமை கோயில்” என்றோ அழைக்கின்ற வழக்கம் இல்லை.

உதாரணமாக இந்தப் பாரத மண்ணில் நமது அய்யா இராமராக அவதரித்த அயோத்தியிலும், கண்ணனாக அவதரித்த மதுராவிலும் உள்ள ஆலயத்தைக் கூட “தலைமை ஆலயம்” என அழைப்பதில்லை. ஏன் காசி, இராமேஷ்வரம், திருப்பதி, ஸ்ரீரங்கம், திருவண்ணாமலை, சிதம்பரம் கைலாயம், பத்திரிநாத் போன்ற புண்ணிய தலங்களையும் “தலைமை கோவில்” என்று அழைக்கும் மரபு இல்லை.

அதற்குக் காரணம் தலைமை என்று அழைக்கும் போது இறைவன்
அந்தத் தலைமை இடத்தில் மட்டும் அதிகமாக இருப்பதாகவும் மற்ற இடங்களில் எப்போதாவது வந்து போவதாகவும் பொருள் வந்துவிடும். உதாரணமாக ஒரு கட்சியின் தலைமை அலுவலகத்தில் தான் எப்போதும் அந்தக் கட்சியின் தலைவர் இருந்து தன்னுடைய பணியை ஆற்றுவார். எப்போதாவது தான் மற்றைய மாவட்ட, வட்ட, அலுவலகங்களுக்கு வருவார். அவருடைய முழுப் பணியும் தலைமை இடத்திலே இருக்கும்.

அதுபோல ஒரு நிறுவனத்தின் தலைவரும் அந்த நிறுவனத்தின் தலைமை அலுவலகம் அமைந்துள்ள இடத்தில் இருந்து கொண்டு மற்றைய கிளை அலுவலகங்களுக்கு எப்போதாவது மேற்பார்வையிட வருவார். ஆனால் இறைவனை அப்படிச் சொல்ல முடியுமா? முடியாது. இறைவன் ஒரே நேரத்தில் எல்லா ஆலயத்திலும் கோவில்களிலும், பதிகளிலும் தாங்கல்களிலும் இருந்து அருளாட்சி புரிபவன். அதனால் தான் கோயில்களையும் ஆலயங்களையும் தலைமை என்று அழைக்கின்ற மரபு இந்த மண்ணில் இல்லை.

இருப்பினும் அந்த அந்த தலங்களுக்கு உரிய அருமை பெருமைகளை இந்த மக்கள் போற்றிப் பாதுகாத்து உள்ளார்கள். சரி, இப்படி ஒரு வழக்கம் இதுவரை இந்த மண்ணில் இருக்கவில்லை என்றாலும், அய்யா வைகுண்டப் பரம்பொருள் நம்மை சுவாமித்தோப்பு பதியை தலைமைப்பதி என்று தான் அழைக்கவேண்டும் என்று அகிலத்திரட்டிலோ அல்லது அருள் நூலிலோ சொல்லியிருந்தால் நாம் அதை ஏற்றுக்கொண்டு தான் ஆகவேண்டும். ஆனால் அய்யா நமக்குத் தந்த அகிலத்திரட்டு அம்மானை மற்றும் அருள் நூலில் எந்த இடத்தையும் சுவாமித்தோப்பு பதியை தலைமைப் பதி என்று அழைக்கச் சொல்லவில்லை.

தலைமை என்று வருகிற போது துணை எது? கிளை எது? என்கின்ற கேள்வி பிறக்கின்றது. இன்று நெல்லை மாவட்டத்தின் தலைமைப் பதிக்குப் போட்டியே நடக்கின்றது. வடலிவிளை, ஐயனார்குளம், சிதம்பராபுரம் போன்ற ஊர்கள் “நெல்லை மாவட்டத்தின் தலைமைப்பதி” என உரிமை கொண்டாடி வருகின்றன. இவையெல்லாம் நாம் இறைவனையும், ஆன்மிகத்தையும் உணராதவர்கள் என்கின்ற நிலையை நமக்குக் காட்டுகின்றது

சுவாமித் தோப்பு பதியை “தலைமை பதி” என்று அழைக்காதீர்கள் என்று சொல்வதினால் சுவாமித் தோப்புப் பதியின் சிறப்பையும், புனிதத்தையும் குறைத்துச் சொல்லி விட்டதாக அன்பர்கள் எண்ண வேண்டாம். தலைமை பதி என்று அழைக்க வேண்டும் என்பது அய்யாவின் உத்தரவு அல்ல, மனிதர்களால் ஏற்படுத்திய முறை என்பதையும் அன்பர்கள் மனதில் எண்ண வேண்டும். உண்மையான ஆன்மிக ஞானம் பெற்ற எவரும் “தலைமை” என்று போடுவதும் இல்லை, அழைப்பதும் இல்லை என்பதாலே இந்தப் பதிவு ஆகும்.

அய்யா உண்டு